Startseite
  Archiv
  Cheryl
  Bilder
  Gästebuch
  Kontakt
 

  Abonnieren
 


http://myblog.de/cheryl

Gratis bloggen bei
myblog.de





Scho widr e Wuche verbi

Hallo zämme

D zyt do goht echt megaaaaa schnell verbi!!! Tuet mir leid, dass ich nüm so oft schrieb, aber ich mekrs amme gar nit und schwups isch scho widr e Wuche verbi!

Ich fühl mi do eifach immer no mega wohl, gniesses wirklich do zsi, au wenn mir s Wetter nit immer eso zuesait. Dä vieli Räge find ich halt scho nit gradeso dr Hammer, aber jo, das isch jo nur e kleins Detail

Mini Gastfamilie find ich immer no nett und mit mim room mate chum ich eigentlich au immer no guet us. Sie nervt mi halt amme chli, aber das isch jo normal. Sie stoht ebbe am Morge immer mega frieh uf und denn isch sie nit grad lislig, sondern rächt lutt, so dass ich am Wuchenänd immer nätterwys am schpöteschtens nüüni gweckt wird... und das, obwohl ich s über alles lieb lang zschloofe... naja, in de Winterferie isch sie aber zum Glück nit do, denn cha ich wenigschtens denn usschlofe :D

Am Donschtig bin ich nomol indr Kirche gsi. Es isch mega lässig gsi, es isch halt so e Art Gottesdienscht gsi, aber nit eso wie bi uns. Es sind alli an runde Tisch gsässe und denn hets zerscht mol e Stund worship gä. Danach hän denn so Missionare gschwätzt, isch no cool gsi. Sie hän aber immer nur so zäh Minute predigt, denn hän mir am Tisch chönne mitenand diskutiere, denn isch ustuscht worde und denn het er no öbbis derzue gsait. So isches so chli Huskreismässig gsi. Ha das rächt cool gfunde und wird wohl in Zuekunft jede Donschtig go.

Hütt Zobe ha ich eigentlich au nomol indr Kirche welle go, will mir halt dr einti gsait het, dass ich entweder am Obe oder am Donschtig söll go. Ich bi also hütt gsi und das isch kei Gottesdienscht gsi, sondern e Bett-Session... da ich niteso fan bin vo däm, ha ich mi denn rächt schnell widr verzüpft aber ich gang jo jetzt immer am Donschtig, vo däm her, muess ich am Sunntig am Morge jo nit go

Süscht gits bi mir eigentlich niteso viel Neus, usser dasses nur no ei Monet goht, bis ich mi erschte Bsuech bechum und nur no einehalb Monet bis mi Schatz endlich chunt :D

Bi uns isch irgendwie no gar kei Wiehnachtsstimmig, no kei Wiehnachtsdeko oder süscht irgendöbbis. Das überrascht mi doch rächt, freu mi ebbe mega druf, Vancouver mit Wiehnachtsbelüchtig zgseh :D aber jo, dass chunt jo denn no. Öbbis wo mi mini Gastfamilie verzellt het, het mi grad echli schockiert: sie backe keini richtige Wiehnachtsguetzelii!!! ha dänkt ich hörs nüm... sie mache nur so paar Gutzelli, aber nit unseri typische Wienachtsgutzelli... Wenn also öbber vo euch per Zuefall luscht het zum Wiehnachtsgutzelli backe, denn chönnet dir sie vo Härze gern mim Vater mitgäh :D

Also, das wars vo mir usem verrägnete Vancouver 

Euri Cheryl 

13.11.06 05:47


Kirche gfunde

Hallo zämme

 Jetzt ha ich endlich e Kirche gfunde, wo ich wirklich hammer cool find!!! Ich find sie nit nur ok, sondern mega lässig!

Bi hüt am Morge zum erschte Mol gsi. Dr Gottesdienscht isch no rächt cool gsi, allerdings isch dr Preacher echli speziell gsi. Er isch ebbe do gsi zum si Buech z promote das isch halt niteso lässig gsi. Aber dr Worship isch cool gsi und d Stimmig und halt eifach alles.

Nachem Gottesdienscht het mi denn e relativ Junge agschproche und gfrogt, wieso ich denn scho wach sig und denn erscht no indr kirche. denn eigentlich würde alli Junge immer am Morge go. Er sig nur do, will er ebbe e Job ka hätti am Morge. Er het mir denn ebbe verzellt, dass er dä Preacher au niteso hammer gfunde het, was mi doch no mehr begeischteret het vo däre church!

Er het mi denn iglade am donschtig an so e youth praise obe zgo für 18 bis 30 jährigi. das isch jede Donschtig und sig eher öbbis für mi, het er gmeint Er het mir denn au no abotte mi dehaim abzhole mitem auto. wo ich denn gsait ha, wo ich wohn, het er zwar chli gschtutzt, sich halt scho no witt wäg, aber er holt mi gliich ab  

jetzt gang ich also immer am 18:30 Uhr am Sunntig in die kriche, denn sie hän au Obegottesdienscht, was mir natürlich sehr zuesait :D

Mim room mate hets eigentlich no gfalle, sie het nur eifach überhaupt nix verstande, das isch chli blöd. aber dr preacher het e nur über sie buech gschwaflet, dorum isch das niteso schlimm gsi sie het aber gfunde, sie chunt jetzt jede sunntig am obe mit, da sie s no cool findet und mehr über s christetum erfahre will :D das het mi natürlich gfreut!

 Merci vielmol, für euri Hilf!!! bi wirklich mega froh, ha ich jetzt e gmeind gfunde!

Süscht gohts mir eigentlich au super!!!

Euri Cheryl 

6.11.06 05:23


mis room mate

Hallo zämme!

ich bin widr ganz gsund und mir gohts widr super.

bi uns isch au herrlichs wätter, d sunne schiint jetzt scho sitt drei täg!!! also dochnix mit drmega schlimme rägesaison :D defür isches jetzt so richtig kalt worde. aber ich ha ghört, dass stoht euch jo jetzt au no bevor

mit mim room mate verstand ich mi wirklich immer besser. ich weiss jetzt gar nit, was ich alles scho mol gschriebe ha, dorum schrieb ich eifach alles nomol

am afang isch sie jo megaaaaaaaa schüch gsi und ihr änglisch isch e katastrophe gsi. do ha ich scho dänkt dänkt, das wird jo super mit däre im zimmer... aber denn het sie ihri scheu ablegt und ihr englisch wird vo wuche zu wuche besser (sie goht ebbe jedes wuchenänd ind bibliothek go lerne, aber nit nur ei, zwei stund, sondern je siebe an beidne täg!!!). ämel merkt me das halt und ich ka scho richtig mit ihre schwätze. wenn mir uns nit verstöhn, denn molt sie halt, das isch amme rächt amüsant

am afang isch sie ebbe immer ins badzimmer gange zum sich go umzieh und isch mol mega gschockt gsi, wo ich nur mitemene tiechli verhüllt usem bad cho bin. jetzt het sich das aber gänderet. sie zieht sich jetzt au im zimmer um

au körperkontakt isch mittlerwile erlaubt, aber halt niteso wie bi uns. letschti sich sie aber mega happy gsi, do het sie mi soagr in amr gno! bi selber ganz verdutzt gsi, aber ich finds cool denn gestert het sie sich so richtig bi mir usghült, will sie halt nüm mag so viel lerne und will sie in de wiehnachtsferie drei wuche nach japan muess, aber viel lieber würd do bliibe. ich ha sie denn tröschtet. ha mi aber nit getraut sie in arm znäh, da sie mir ebbe verzellt ka het, dass kinder in japan wo briele nit beachtet werde (also scho gar nit in arm gno werde). ich ha denn beschlosse, dass ich ihr händ tätschle und sie chli am arm heb, das muess länge

denn het sie mir nacher no gsait, dass sie mi mega wird vermisse in de wiehnachtsferie. sie will mi sogar ind schwyz cho bsueche, will sie mi widr möcht gseh.

am sunntig chunt sie mit ind kirche. sie isch gschpannt, wie das dört so isch und ich ha halt so chli verzellt und sie möcht das jetzt erläbe. das find ich natürlich mega cool!!!

süscht, ich mach bald e paar fötteli uf ringo, bi uns isch jo halloween gsi ich ha au ganz viel fötteli vodr schuel gmacht, damit ihr mol e idruck bechömet, wie ich do so ind schuel gang (ganz speziell für di paps )

so, das wärs vo mir, e schöne tag no und lönd euch vom winter nit deprimiere

 

euri Cheryl

1.11.06 00:55


krank...

hallo zämme

 

scho widr e wuche verbi!!! jetzt bin ich scho mehr als fünf Wuche do!

ich fühl mi do scho richtig dehaim und ha mi scho so richtig igläbt. mini host family find ich immer no mega cool! und mit mim room mate chum ich eifach immer wie besser us. mir sind am fritig nomol zämme weg gange. isch mega witzig gsi. mir hän so japanischs zügs gässe. s einte ha ich kennt, das isch s klassische sushi gsi, aber s andere ha ich alles nit kennt. eimol het s eifach fisch uf riis gä und denn no so anders züg, irgendwie siess, so art teigtäschene oder so öbbis und denn no so gmies, wo ich no nie in mim läbe gseh ha. isch ämmel sehr fein gsi, leider sind mir beidi nit wirklich sat worde nachem esse sind mir denn no zwei stund in e buechlade. isch wirklich sehr amüsant gsi, ich ha sie versuecht vom dan brown und fantasy-gschichte z überzüüge, sie het mi im gegezug versuecht vo mangas z überzüüge. beides niteso ganz klappt. sie findet d biecher z dick und möcht lieber ihri grammatik biecher indr library studiere und ich gseh nit iih, wieso ich sött e comic läse

anschliessend sind mir denn no go fruchtsaft trinke (ich sag euch, die sind e traum!!!). ich ha no nie so feini fruchtsäft ka wie dörte! sie het ebbe kei alkohol welle trinke und so hän mir halt beschlosse in e fruchtsaftbar zgo isch mega wizig gsi.

ich weiss jetzt au immer mehr vo ihre und oh wunder, ich ka jetzt scho ihre arm alänge ohni dass sie grad zrug zuckt. (japaner hän ebbe niteso gärn körperkontakt; au kinder werde nit knuddlet ) jetzt het sie sogar agfange sich im zimmer um z zieh (am afang isch sie ebbe immer ins bad gange). sie het mir denn au no gsait, dass sie nit dänkt hätti, dass sie ihr room mate wird möge. sie het eigentlich welle nach 6monet ind residence zieh, aber jetzt da sie mi nätt findet, het sie beschlosse bi dr host family z bliibe.

nun bin ich ebbe krank, isch aber nit schlimm. ha eifach echli fieber und e biz kopfweh, isch aber scho ufem weg zur besserig

 

leute, alli wo gilmore girls fan sind, freuet euch uf die neui staffle, sie sich so mega cool!!! wenn öbber biz mehr wüsse, chönnet dir mir gern schriebe, denn verzell ich euch, was so passiert indr neue staffle :D

 

ich ha jetzt im momänt no kei church, bi aber zueversichtlich, dass ich bald eini find. ich gang am sunntig in e church, wo d pastorin cheryl heisst und wenn mir die nit gfallt, denn gang ich no in e anderi wo mir no eini empfohle het, wo in vancouver gsi isch! (merci christoph (bzw.ursina) und philipp)

 

so, das wäre mol widr d news vo mir!!!

Euri Cheryl 

 

29.10.06 22:20


mi vater chunt an wiehnachte!!!

Mir gohts do eigentlich eigentlich immer no unveränderet. mi alltag isch nit so wirklich spannend, aber es isch ganz ok, denn d schuel macht do spass niteso indr wie indr schwyz. bis jetzt isch s wätter au ganz ok gsi, denn vo däre obermega miehsame rägezyt ha ich eigentlich no fascht nix gschpürt, es rägnet eigentlich immer indr nacht und am tag isches denn entweder bewölkt oder d sunne schiint sogar. ich hoff, dass das eso blibt.

 

ich ha leider immer no kei gmeind gfunde, es isch eifach mega schwer, da s do mega viel philippinos het (das find ich cool sie sind alli mega nätt und voll cool igstellt), aber s problem isch denn, dass fascht alli gottesdienst wo irgendwie in minre nöchi wäre halt sehr philippinisch aghucht sind... d.h. ich verstand d predigt nit oder d liedertext... naja, e paar lütt erkundige sich jetzt für mi (merci philipp und christoph!), wenn aber no öbber vo euch mir irgend e tip het, denn mäldet euch doch bitte, bitte bi mir!

 

Denn ha ich no e super nochricht!!! juhu, kas no kum fasse!!! mini wiehnachtsferie sind jo immer so e thema gsi, da ich irgendwie keini plän ka ha und alli irgendwie beschäftigt sind in de ferie. ich ha jetzt au voll die plän!!! denn am 15. dezember chunt mi vater! oh, ich freu mi mega! er verbringt denn d wiehnachte bi mir und reist am 28. widr ab. 28.? jep, das isch genau dr tag, wo dr thomas achunt!!! cool, oder? mini wiehnachtsferie sind jetzt also au dr hammer und ich freu mi scho mega druf.

denn glaubets mir, au wenn vättere, resp. miettere amme mega ufrege, wenn sie denn nit do sind, denn vermisst mi so doch rächt fescht nit nur, dass sie eim d wösch mache, sondern au s andere

 

also, liebi lütt, mir gohts guet, ha natürlich amme chli heimweh und vermiss euch, aber eigentlich isches mega cool do und ich gniess die zyt do!

euri cheryl 

25.10.06 07:05


scho widr e wuche verbi

bi mir passiert halt nüm so mega viel neus wie am afang, dorum schrieb ich au nüm so oft in blog. kei angscht, ich ha euch nit vergässe, aber ich weiss halt denn amme gar nit was schriebe

mi alltag het halt so richtig agfange. mini hauptbeschäftigung isch schuel und skytrain fahre (ich fahr pro tag ca. 2stund skytrain und bus).

am mäntig ha ich eigentlich welle ins pilates go (ich weiss, das schrieb ich jedi wuche, aber bisher hets immer nonig klappt ), bi denn aber mini host family go volleyball schpiele. es isch mega cool gsi, denn alli schpiele rächt guet, s isch aber gliich mega luschtig gsi. ich weiss jetzt ebbe nit, ob ich oft ins pilates gang, da halt das volleyball training am gliich obe isch wie pilates und ich lieber will go volleyball schpiele. jo, mol luege, was ich do mach

gestert bin ich denn in usgang gange, da ich jo hütt erscht am nomittag schuel ha. es isch mega cool gsi!!! mir sind mit e paar type gange, dorumhän uns denn alli andere type um uns ume in rueh glo d drinks sind mega billig gsi, nur 3 dollar aber ich ha jo fascht kei gäld, dorum ha ich denn trotzdem nit viel trunke hütt ha ich denn echli usgschlofe.

denn ha ich die wuche no mega positivi news (ämmel für mi!

dr thomas chunt scho e wuche friener als plant. er chunt jetzt scho am 28. dezember, anstatt am 3.januar. so muess ich jetzt nur no 69 tag warte bis er endlich chunt:D das isch ebbe so cho: dr flug am dritte januar wär ebbe 750 franke türer gsi als dä am 28. dezember und do hän sini eltere halt gfunde, er söll friener fliege. mir hän jo do e nix dergege je friener desto besser dorum isch jetzt mi silvester und d wiehnachtsferie grettet. ich muess jetzt nur no einehalb wuche do elai verbringe.

 

so, das wars vo mir, wenn ihr froge hän oder no mehr wänd wüsse, schriebet mir doch e mail! ich freu mi au über bricht, was ihr so gmacht hän in de ferie!

 

Euri Cheryl

20.10.06 21:27


Weekend vorbei

hey zämme

 das week-end isch für mi die totali erholig gsi, ich ha eigentlich nit viel gmacht.

am fritig bin ich mit mim room mate, dr naoko, go ässe. eigentlich het sie mir welle japanisch s ässe zeige, da das aber irgendwie nit klappt het, sin mir denn halt go chinesisch ässe in chinatown. s ässe isch hammer fein gsi, es isch mega viel gsi. leider cha ich euch niteso genau beschriebe, was ich ka ha, da ich so öbbis no nie gässe ha. ich ha riis und e sauce ka, sie isch gääl gsi mit mais und chicken. irgendwie isches siess gsi, aber gliich salzig und nit wie sweet und sour. ich kas halt ebbe nit wirklich beschriebe. es isch aber sehr fein gsi :D

am samschtig bin ich denn ins fitness-studio und zum zweite mol bin ich dört vomene typ agschnurt worde. ich könnt glaub e sammlig mit telephonnummere ufmache aber ich schmeiss d nummere dänk immer schön wäg, da ich jo mi schatz scho gfunde ha :D

am obe bin ich denn dehaim gsi und ha eigentlich welle lerne, aber das ha ich denn doch nit gmacht

hütt bin ich denn in däre gmeind gsi, wo ich euch scho vor mega langer zyt mol gschriebe ha. es isch e baptist church gsi. dr worship isch ächt cool gsi und ich ha scho dänkt, vellecht isch die gmeind jo öbbis für mi, aber denn sin d akündigunge cho und die sin leider ALLI uf philippinisch gsi, d.h. ich ha kei wort verstande. d predigt denn isch e kauderwelsch gsi zwüsche englisch und philippinisch. nit das ich nit scho gnueg mieh hätti e englischi predigt z verstoh, wenns denn aber no mit philippnisch gmixt isch, ha eifach kei chance mehr. dorum wird die gmeind wohl au nix für mi. ich blib also ufdr suechi nachere gmeind

 

am nomittag ha ich denn niteso viel gmacht, ha telephoniert und mails beantwortet und jetzt setz ich mol wort in tat um und gang go lerne denn alli lerne immer schön brav und ich mach eifach überhaupt nix

 

ich hoff, euch gohts allne guet, ha ghört s hela isch cool gsi. ich wünsch allne e guete schuelafang, wo widr ind schuel mien!!!

 

Euri Cheryl 

16.10.06 02:56


[erste Seite] [eine Seite zurück]  [eine Seite weiter]



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung