Startseite
  Archiv
  Cheryl
  Bilder
  Gästebuch
  Kontakt
 

  Abonnieren
 


http://myblog.de/cheryl

Gratis bloggen bei
myblog.de





Wunderschoen, sag ich!!!

Hallo zamme!

leider het mi internet echli Schwierigkeite, dorum cha ich leider huett keini Bildli ufelade.. zu schad aber au, denn ich bi huet ufem grouse mountain gsi! oh mann!!! ich sag euch die Ussicht! Es isch eifach hammer gsi! ha sicher 50foetteli gmacht vo vancouver, es isch so schoen gsi!

aber zerscht mol vo vorne

ha euch jo vo de zwei paerli verzellt, wo sich do bildet haen, die erschti 'beziehig' isch scho widr verbi, er het scho widr e neui

Huet am Morge isch eifach herrlich gsi, d sherry-lynn (tochter vo minre host-mother, sie lebt do im hus mit ihrne zwei kinder) het uns e mega feins zmorge gmacht! bacon, eggs, scrambled eggs, toast, mufiins, pancake und nit z vergaesse omelette (leider ha ich nur sehr wenig choenne dervo aesse, but anywy, it was great!!!) mir haen also oebbe einehalbstund zmorge gaesse, danach bin ich sooooo voll gsi

will ich do so viel iss, ha ich beschlosse mini wort ind tat umzetze, morn gang ich mit dr hanna in e fitnesstudio, nimm mi jo wunder wie das wird, aber ich testsch mol us

am mittag sind mir denn ebbe uf e grouse mountain gwanderet, es isch zu mim entsezte denn wirklich e wanderig gsi!!! mir sind do alli mit taesche, turnschueh und kaffi indr hand (das isch do ueblich, me het immer und ueberall e kaffi indr hand, am beschte no vom starbucks, dae hets naemlig an jedem egge, ich fuehl i wie im paradie :D) losgloffe. am igang isch denn e schild gsi, das haen mir nit wirklich ernscht gno, ich lad denn no e bild dervo uffe, kennets denn saelber laese, mir haen aemmel daenkt, dass issch fuer d hollaender und die japanische tourischte und han nur glache.

dennisches aber losgange, mir sind 2 stund wirklich nur baergduruf gloffe und alles nur traeppe... alles waer halb so schlimm gsi, wenn sie dr waeg eifach natuerlich glo haette, aber nie, sie haen alles traeppe gmacht, so dasses eifach abartig astrangend gsi isch. naja, guets iwaerme fuers fitnesstudio morn

 denn haen mir d ussicht gnosse, tuusig foettli gmacht und denn sind mir mitem gondeli heim, denn mir haen d warnig vo laebensgfohr bim abstieg denn aernschter gno, als mir am afang daenkt haen

huet ha ich denne mini woesch gwaesche, was niteso easy isch, wie das jetzt toent, denn es isch e mega alti maschine, me muess 5 sache istelle und es isch in alls in englische keurzel und in fahrenheit agaeh, also wirklichno e herusforderig

jetzt bin ich total mied, d foettli choemme denn no, die mien dr denn unbedingt aluege, sie sind eifach hammer schoen!0

also, guet nacht, ihr liebe dehaim

ich vermiss euch!

Euri Cheryl

P.S. das mit de ae, wird denn widr anders, sobald mi internet widr goht

2.10.06 08:14


Fötteli jetzt uf ringo!!!

So, bi tag isch widr emol verbi, isch super asträngend gsi, aber ich has überlebt s fitness-studio isch ganz ok gsi, aber ich finds eifach z tüür, dorum gang ich morn mit dr vea (die wohnt au do) in e anders, wo me ebbe pro itriit und nit pro monet zahlt, das isch besser. has mega gnosse, widr mol echli sport zmache, fühl mi jetzt richtig fit!

 

indr schuel ha ich so e tescht gmacht, aber er isch voll strange gsi, mega anders wie ich mir s gwohnt bin, naja, neus Land, neui Teschts

ich find d schuel zum Teil voll bescheuert, mir hän hütt so e art memory gmacht und ich find so alternativi lernmethode mit so blöde lernspiel voll langwilig, e paar in minere gruppe sin denn mega ehrgizig gsi, denn het s mi grad no mehr agschisse.

mir hän denn no e präsentation ka und mi lehrer het gfunde, dass mi englisch ganz guet isch, mi akzent nur schwach, do bin ich doch rächt überrascht gsi :D

 jetzt bin ich abe groggy und wird wohl bald ins bett go. Zum glück goht mi internet jetzt widr einigermasse, so dass ich d bilder ha chönne ufelade vo gestert. es sind halt mega viel und hüfig echli ähnlichs motiv, halt vancouver vo obe, aber ich ha mi nit könne überwinde no weniger ufezlade, denn ich ha öbbe doppelt so viel fötteli gmacht

 

Ich vermiss euch!!!

Euri Cheryl 

3.10.06 06:31


Heimweh isch widr staerker

Hallo zaemme

Do isches immer no mega laessig. ich erlaeb nuem so viel neus, aber das isch jo normal.

 Ich merk jetzt also langsam wirklich, was do anders isch und was mir alles tolls indr schwyz haend. ich glaub me nennt das kulturschock

d polzei do zum bispiel isch mega krass. gestert haen mir e verhaftig beobachtet, aecht mega krass, die haen dr maa solang gwuergt, bis er ohnmaechtig worde isch, wo er denn am bode glaege isch, haen sie ihn so lang gohrfigt, bis er widr zu siech ko isch. mega krass. huett isch indr zytig gstande, dass er e drogedealer gsi und dass das e grossaktion gsi isch gege e drogering in vancouver, sie haen 12 luett festgno.

 usserdem isch eifach alles abartig tuer, me muess mega ufpasse, will do taxe halt nie included sin und ich vergiss das halt mega oft, dorum bin ich denn immer gschockt, wieviel ich zahle muess

am sunntig gang ich uf seattle ind outlet stores go shoppe, ich wird nix vo seattle gseh, da ich waehle muess, entweder shoppe oder nach seattle go ich hol das denn noche, wenn stecks do sind und mit mim schatz zaemme

ich vermiss euch do eifach immer mehr! mir gfallts do echt, aber d luett sind halt nit wie ihr... bsunders vermiss ich natuerlich, wie koennts au andrs sie, dr thomas, aber das ihr mir au no derzue faehlet, machts echt zum teil fascht unertraeglich. am tag dure, isches eigentlich nie e problem, aber wenn ich am obe heim chum, so viel erlaebt han und denn isch eifach niemerts vo euch do, daem ich alles choennt verzelle...

ich hoff, das wird no besser, sicher wenn dr thomas denn im januar chunt und e paar vo euch choemme mi denn jo au go bsueche!!!

 also, e ganz e liebe gruess us vancouver

 

euri cheryl

4.10.06 22:21


fötteli vo mim hus uf ringo

gestert isches mega lässig gsi im usgng. mir sind go in e so e art bar gange, wo verschiedeni sänger gsunge hän und es isch eifach so coool gsi. Die sänger und sängerinne hän so hammer stimme ka, unfassbar! denn hän sie immer no gitarre derzue gschpielt, eifach hammer!!! ich has so gnosse, aber ich ha eifach dr thomas mega vermiss, da sie amme so liebeslieder gschpielt hän

hütt isch indr schuel füüralarm gsi, isch no rächt witzig gsi. alli EFSchüeler (sind glaub ca. 250) hän miesse über e winzigi träppe vier stöck abelaufe. das isch schomol rächt lang gange und ich glaub, wenns wirklich brennt hätti wär d hälfti verschhmor uf däre träppe. nacher sind mir denn alli ufem trottoir gsi und kei mensch isch me dure cho. mega viel sind denn ins blenz gange, so dass die s gschäft vom johrhundert gmacht hän mit däm füralarm. d füürwehr do gseht au no rächt witzig us, die autos sind wiss. dr alarm isch zum glück umsunscht gsi, aber es isch dorum umso witziger gsi

 

anschliessend bin ich denn in das andere fitness-studio gange. das isch eifach mega cool, es isch drei dollar pro itritt und no räch gross. ich mach jetzt jede mäntig 20/20/20, d.h. 20minute cardio-training, zwanzig minute body shape und 20minute pilates. für das zahl ich dr normali itritt, cool oder?  cool isch au, in mim fitness-studio hets e schwimmbad und e ishalle, d.h. ich weiss jetzt scho, wo ich im winter ka schlo schlittschueh-fahre :D cool, oder??? ich ha mi ämmel mega gfreut, wo ich gseh han :D

und denn ha, entgege allne lütt, wo mir gsait hän, ich wird do zue näh, ha, ich ha no überhaupt nit zuegno!!! das macht halt das hammer feini philippinische ässe vo minre host family! ha dänkt, ich muess das jetzt doch mol erwähne in mim blog, da mi scho e paar gfrogt hän, will ich jo immer widr vom feine ässe do gschwärmt han

 

süscht gohts mir eigentlich super, d rägezyt do het zum glück nonig agfange, aber lutt wetterbricht sölls morn afoh rägne.

ich weiss nit, on ihr das in europa so mitkrieget, aber do isches wirklich meeeegaaaaa krass, was so schiesserei und amokläufer in schuele agoht. bis jetzt hets vier mol töti inere schuel gä (drei mol dervo in de USA). das het mi mega gschockt!

 

also, leuts, ich bin k.o. ha euch mol e paar bilder vo mim host ufeglade, es sind niteso viel und sie sind niteso guet, aber besser als nix

 Viel spass im HeLa wünsch ich däne wo gön!!!

 

Euri Cheryl 

7.10.06 06:36


shopping time :D

gestert bin ich dr ganzi tag in de outlet stores indr nöchi vo seattle gsi! es isch hammer gsi!!! vor allem wills rächt billig gsi isch! ich ha zwar nix kauft, was ich wirklich brucht hätti, denn ich ha eigentlich welle puma-schueh kaufe und e winterjacke, trotzdem ha ich 100US Dollar usgäh.

d areis isch e mega ghetto gsi. denn ich bi mit dr tina gange, die het aber ihre pass vergässe ka, nachdem sie e horrornacht hinter sich brocht het (verzell nacher no mehr) und dorum het sie denn nomol heim miesse und mir hän sie denne unterwegs irgendnöime ufgablet. d areis isch ca. 2 stund gsi, aber d amerikaner hän halt e knall bi dr sicherheit, dorum hän mir no miesse e halb stund am zoll umestoh. ich ha miesse e fingerabdruck vo mine beide zeigfinger mache lo, e neus fötteli, das uf mim pass isch nid usreichen und denn no e mega formukar usfülle und so witter. denn het me keini frücht und sandwich dörfe ifiehre, froget mi eifach nit wieso me keini frücht dörf mitbringe, das ha ich ächt nit begriffe, aber sie hän sicher e gueti erklärig

danach sin mir denn in de outlet stores ako. wenn ihr euch jetzt e shopping mall vorstellet, sind dir also total falsch, denn es isch e kleins städtli/dörfli, wo nur us stores bestoht und wo me eifach nur shoppe und ässe!!! E Paradies also :D d kleider (nike, puma, adidas oder au polo, burberry u.s.w) sind öbbe halb so tür wie indr schwyz und zum teil hets richtig schnäpchen, do koschtet e t-shirt irgendwie nur 5 dollar. allerdings ha ich denn keini sportkleider welle kaufe und ha mir stattdesse stiefel, e rock und e pulli kauft und denn, wie könnts anders si bi mir, biecher :D dr hammer isch jo, dört hets e christian outlet store, ich hätt am liebschte mega viel kauft, aber mi budget isch halt beschränkt. do koschtet e cd, je nachdem welli und ob s doppelalbum isch, zwüsche 5 und 18 dollar. in däm store hets aber au ganz typisch s amerikanischs züg, wo eifach so oberkitschig isch, dasses eifach nüm zum ushalte isch. In däm shopping center isch wirklich extrem uffällig gsi, dasses viel dicki amerikaner het. das isch wirklich krass, 1.5 stund nach dr grenze isch dr unterschied zu canada ächt enorm!!! au s ässe sälber isch wirklich anders, ich weiss das tönt mega blöd, aber es isch wirklich eso.

ich ha mi denn e carfahrt lang mitemene koreaner unterhalte, isch no cool gsi, mehr über das land z erfahre und au mol d sichtwiis vomene sehr gebildete koreaner zhöre. er het politik und business studiert und er het also wirklich no rächt ahnig dervo. er isch denn allerdings sehr enttüscht gsi, wo er gmerkt het, dass ich e fründ ha das isch ebbe wirklich voll scheisse do, me ka eifach nit mitemene typ öbbis mache oder rede, ohni dass die do hintergedanke hän. vorurteil vo sprochufenthalt stimme halt doch

ich has do aber immer no mega cool, d sunne schiint immer no! gestert ha ich scho angscht ka, dass d rägezyt scho agfange het, aber das isch anschiiinden nit eso :D

ich hoff ihr häns alli mega cool in spanie ka!!!

 

Schöne obe euch allne no!!!

 

Euri Cheryl 

 

9.10.06 19:36


hab das was vergessen ;)

do no d horrorstory vodr tina, ich weiss, es tönt wie im film, aber das isch ächt do passiert, nur sächs strosse vo mir e wäg!

 

Am Samschtig Zobe het dr host brother (Jonathan) vodr tina e pre-thanksgiving party gmacht. alles isch cool gsi und denn hets andr türe glütte und dr Jonathan isch go ufmache. Denn isch e Gang vodr Tür gstande und het au an die Party welle. Dr Jonathan het ihne halt gsait sie sölle sich verzüpfe und tüür widr zuegmacht. d Gang het do druf hi Backstei (wo sie mitbroch hän, es isch also plant gsi) durch d schiebe gschosse und Türe ufgmacht. Sie sind denn mit pfefferspray ins hus ine gstürmt. Dr host father het .e volli portion ins gsicht becho und het jetzt e platzwunde am kopf. alli hän denn versuecht die gang usem hus ztriebe, aber die hän dr ganzi igang verwieschtet und s wohnzimmer und alles. mega schlimm, bi däne gsehts jetzt ächt us, wie nachemene Tornado, alli schiebe zerbroche, alles verwieschtet und überall halt schärbe und pfefferspray. mega krass.

E Fründ und d Familie het jetzt no Mordrohige becho, also kei schöni gschicht.. 

d polizei isch denn irgendwenn cho und het alles fotographiert und alles zu Protokoll gno, aber es ka halt nix bewiese wärde, will niemerts öbbis gseh het wägem pfefferspray... voll scheisse, d tina het denn gestert no ihre passport vergässe, dorum hätt sie fascht nit chönne mit uf seattle. ihri host mother het sie denn zum Glück e stück witt gfahre, so dass sie denn het chönne spöter in bus istige.

so, das sich d horrorstory gsi. gestert, wo ich denn am obe vodr busstation heim gloffe bin, ha ich mega schiss ka und bi alles grennt.  mini host mother het aber gsait, dass das wirklich s erschte Mol isch, dass do so öbbis passiert und das unser quartier eigentlich mega sicher sig und friedlich.

 

9.10.06 22:55


mi läbe wird normal :D

So, do mol widr e bricht vo mir. Die leschte paar täg sind eigentlich mega ruhig gsi bi mir. Ha niteso viel gmacht usser ind schuel gange.

Am mäntig isch bi uns jo fiirtig gsi (thanksgiving), do ha ich zerscht mol gemütlich usgschlofe, denn 2 stund mitem thomas im skype gschwätzt (oh, ich vermiss ihn so) und denn am nomittag bin ich an strand. Es isch eifach so schön gsi, es isch langsam rächt kiehl, wägem wind, aber es isch eifach herrlich die letschte sunnestrahle vorem winter zgniesse. Mir hän do die letschte zwei wuche immer am morge ca. 5grad ka und am nomittag öbbe zwanzig. Das sich wirklich mega cool. Jetzt foht aber denn d rägezyt wirklich ah…

Am strand ha ich denn no paar fötteli vo mir gmacht, sie sind im ordner 9.10. zfinde.

Am zischig ha ich mir e winterjacke kauft. Es isch rächt miehsam gsi, do sie do irgendwie nit wirklichi winterjacke hän und wenn denn eifach mega tüür. Usserdem ha ich e familiepackig fructis shampoo kauft. Es isch 750ml für nur 3.49 dollar (das sind ca. 4franke). Dr hammer, oder??? Danach bin ich denn widr ins fitness-studio gange. Ha denn so e hammer fernsehsändig gluegt (während ich ufem laufband joggt bin), wo sicher au bald in Europa chunt. Es isch ähnlich wi deutschland sucht den superstar. Sie heisst „you think you can dance“ und dört gohts halt eifach ums tanze. Ich has kurz vorem finale gseh, dorum sind tänzer wo tanze eifach HAMMER guet. Ich hoff sie chunt au in europa, wenn ich widr zrug bin, denn es isch no ganz amüsant gsi

Am obe ha ich denn leider, leider mini liebe gilrmore girls verpasst (do isch nämlig scho die neui staffle am laufe :D), da ich  s am Telefon gsi bin (muesch also nit ifersüchtig si,délia )

Hütt isch ebbe mi tag, wo ich die ganzi zyt indr schuel bin. Ich ha vom viertel vor nüüni bis am halb fünfi durchgehend schuel. Das isch rächt krass, weshalb ich jetzt total groggy bin

Ich hoff, s hela isch cool und d lütt, wo in spanie gsi sind, vergässe nit, mir e genaue bricht zschicke usserdem wünsch ich allne, wo ferie hän no schöni ferie und däne wo schaffe, sag ich nur: „keep going on!!!“

 

Euri cheryl

 

12.10.06 04:54


 [eine Seite weiter]



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung